Questo annuncio è stato dimostrato da wgzimmer.ch
Affitare un appartamento 
♥
Dati a affitto
A partire da 1.12.2024
Fino Illimitato
Affitto mensile sFr. 548 .–
Indirizzo
Regione Berna
Indirizzo Weissensteinstrasse 35
Località 3007 Bern
Distritto / quartiere Fischermätteli/ Mattenhof
Google Translate Grande mappa da stampare
Descrizione
La stanza èS Zimmer isch Teil vore schöne 3er WG im 2. OG. Dis künftige Zimmer isch ca. 11 Quadratmeter gross, verfüegt überne Ihbouschrank und wie dr Räscht vor Wohnig überne neu verleihte Bode und früsch gstrichnigi Wäng. Zur Wohnig ghöre no zwöi wiiteri Zimmer (und e haubi Stube), e renovierti Chuchi (mit em grösste Gschirrspüeler ever *hust*), es sanierts Bad sowie zwöi Balkons/Balköne/Balkone/Balken(?) und es Chäuerabteil.
Zudem liit üses Dehei diräkt ar Tramhautestöu (vom unzueverlässigste Tram in ganz Bern). Ihchaufsmöglechkeite sii in wenige Gehminute erreichbar und d Gelateria di Berna wird dür ihri nöchi Lag zur finanzielle Belastig.
Cerchiamo
Mir sueche e Mitbewohner*in zwüsche 20 und 28 wo offe und unkompliziert isch, e ungfähre Sinn für Suuberkeit und Ordnig het und sich gärn am WG-Läbe beteiligt. Mir liebes zwüschedüre vor Lache Buuchweh oder ab und zue deep talks zäme z ha.
Verzöu üs gärn öppis über Di, Dini närvigischti und beschti Mitbewohnereigeschaft ;)
Chi siamo
Wie mir üs gägesittig würde beschriebe:
S' (A)lessi(a) isch 23gi und meistens entweder im Gym oder bim Kickboxe z finde. Nebem Sport studiert sie no chli Psychologie im Master und quält dört Studis im Tutoriat. S' Lessi isch e sehr offeni und empathischi Person, wo bim Znachttisch fast immer e lustigi Story parat het. Mini Lieblingsmitbewohnereigeschaft vom Lessi isch, dass sie sehr gern und guet chocht und mit Enthusiasmus am Morge am 6i die muffig WG-Wösch überduet. Weniger prickelnd hingege findi ihres notorische Farbtrennsystem bim Wäsche und dass i Päckli vo ihre d Stäge ufeträg, woni würd meine es isch e Schrank dinne, wenn nid s Zalando-Logo druffe wär (sie wett do no gern ahmerke, dass sie kei Chaufsucht het, au wenn das alli Chaufsüchtige säge).
D Gaëlle (au oft missverstande aus „gaaiil“) isch 22i, eher last minute uf de Beii, weshaub s au öppe die mau vorchunnt, dass sii wiene Wiudsau uf Speed dür d Wohnig galoppiert. Wenn siis de mau pünktlech ad Uni schafft, fingt meh se äntwäder am Telefoniere oder ab und zue au ire Psychologie-Vorläsig. Näbebi isch sii sich im Unisport am usprobiere und suecht mit däm Inserat niid nur e WG-Mitbewohner*in, sondern au es Bachata-Tanzgspändli höhö. D Gaëlle isch e sehr humorvoui, unkomplizierti und härzlechi Person, wo immer für deep talks z ha isch - looooveee it! Google Rezensione würde es 9.5/10 gäh - e haube Punkt Abzug gits drfür, dass sii ihri Wösch immer inside-out i Wöschchorb duet (eher problematisch für öpper, wo schnäus und gnaus Wäsche schätzt).
Da mir beidi s gmeinsame Znachtesse, Lache und Bisammesii sehr schätze, fände mer s cool, wenn au Du niid nur uf dr Suechi nachere Zwäcks-WG bisch.
Wir freuen uns - wir freuen uns, mal schauen was wird - was wird.