Von wgzimmer.ch geprüftes Inserat
Vermiete ein Zimmer 
♥
Daten und Miete
Ab dem 15.11.2024
Bis Unbefristet
Miete / Monat sFr. 437 .–
Adresse
Region Bern
Adresse Buemplizstrasse 12
Ort 3027 Bern
Kreis / Quartier Bethlehem
In der Nähe Üsi WG isch mit ÖV öppe 10 Minute vom Bahnhof Bern entfernt und 5 Minute vom VonRoll Gebäude. Mir hei o grosse Wald, di grossi Freibadi Weyerli und Hallebad ir nechi. Zum Ichoufe hei mir o es grosses Coop, e Migros und e Tankstell
Google Translate Grosse Karte zum Ausdrucken
Beschreibungen
Das Zimmer istEs het insgesamt vier Schlafzimmer und zwüsche üsne Zimmer befindet sech zStube mitemne Esstisch am Fenster für zperfekte Liecht bim zmörgele und es Sofa und e Fernseh mit Wii-Konsole und Xbox . Zuesätzlich teile mir ono ziverte höch üses grosszügige Badzimmer und üsi grümigi Chuchi mit Mikrowelle und Soda Stream (E Wasserchocher brüchtemer allerdings no). Im Cheller vo üsem Gebäude heimer ono es Chällerabteil und e Wöschchuchi mit 3 Wöschmachine u Trocheschränk.
Zerschte Zimmer isch 12m2 gross u het Zuegang zumne chline Balkon u het e Mieti vo 437 Franke im Monet.
Z Zwöite Zimmer isch grad nebedra, het o zuegang zum chline Balkon u isch 9m2 gross. Es choschtet drfür nume 400 Franke im Monet.
Wir suchen
Mir sueche öpper wo ungfähr i üsem Alter isch und studiert oder schüsch ire Usbildig isch (Vorgab vor Verwaltig). Zeme düemer gern mal Znacht choche, luege zeme e Film oder Serie oder tüe zeme Wii spile oder trinke oder beides zeme. Zwüschedüre mache mir gern spontani trips id Stadt oder sogar usserhaub vo Bern (crazy I know). Faus ds o guet tönt für di u zuesätzlech e fründlechi, ufgstellti, ordentlichi Person bisch, chasch di gärn bi üs meude!
Herzlechi Grüess
Victoria u Muriel
Wir sind
Vis-à-Vis vom grössere Zimmer befindet sech d Victoria (sie, ihre). D Victoria isch 25i u studiert VWL, und Nachhaltigi Entwicklig und Sozialwüsseschaft im Nebefach. Mi ghört si öfters i irem Zimmer Ukulele spile u drzue singe oder o a üsem Keyboard ir Stube. Si isch im Summer sehr oft im Weyerli ir nechi zfinde u im Winter drfür im Hallebad. Zuesätzlech het si vor churzem Pflanze als ires neue Hobby entdeckt und het sech scho e beidruckendi Sammlig a Pflänzli agschafft.
Nebem Zimmer vor Victoria befindet sich das vo Muriel, wo sech grosse Balkon mit dr Victoria teilt. Muriel (Alli Pronome) isch o 25i und studiert Sozialanthropologie und Interreligiösi Studie. Du bisch bi Muriel genau die richtig, we du e Serie oder Filmempfählig suechsch. Er geit gern id Uni Theatergruppe u vilich wirsch ire i Zuekunft o e halbe Herzinfarkt gä wede plötzlich deren One-person musical numbers ir chuchi unterbrichsch. Vo Muriel ghörsch o öfters kuhli fun facts oder e chline Vortrag übernes Thema wo si grad obsessed isch.