Von wgzimmer.ch geprüftes Inserat
Vermiete ein Zimmer 
♥
Daten und Miete
Ab dem 1.7.2025
Bis Unbefristet
Miete / Monat sFr. 1150 .–
Adresse
Region Bern
Adresse Breitfeldstrasse 35
Ort 3014 Bern
Kreis / Quartier Breitenrain
In der Nähe Bakery Bakery, Gelateria di Berna, Breitschplatz und Anbindung an den ÖV
Google Translate Grosse Karte zum Ausdrucken
Beschreibungen
Das Zimmer istZur Wohnig:
Si isch komplett nöi renoviert und äs wird dr erst Bezug si (drum leider o keni Föteli, ufem Grundriss chame dr Stiu aber erahne). Die aute Böde si erhaute worde mit nöiem Bad und nöier Chuchi.
Hie t Facts:
-Wohnzimmer
-ä chline Baukon
-äs Bad mit Duschi (wobi du dis eigete Wc u Brünneli hesch)
-Komplett nöii Chuchi mit Gschirrspüehler und emne grosse Chüeuschrank inkl. separatem Gfrürschrank unge dranne
-Chäuer
-eigeti Wöschmaschine im Wöschrum
Zu dim Zimmer:
Du dörftisch ir Mansarde ihzieh, was bedütet dass du ä eigeti „Hustüüre“ hesch. Zudäm o äs eigets WC u Brünneli. Ts Zimmer isch trotz de Dachfänster häu u het viu Platz zum sich z verwürckleche.
T Mieti isch 1’150.- inkl. Näbechöste.
Wir suchen
Äs wär schön wenn du öppe i mim Auter bisch und villicht zmingst teilwis die gliche Hobbies hesch. Usserdäm suechi öpper wo cha Rücksichtnäh, wos o gärn suber het und unkompliziert isch. Ig schetze mini Ruhe näben stränge (und z.T. lute Autag) u suche drum nimer wo ä Party-WG wet!
Wir sind
Hey Zäme!
Für mini 2-Zimmer Wohnig mit Mansarde (gad ume Egge vor Bakery Bakery im Breitsch) suechi abem 01.07 ä Mitbewohner*in:
Zu mir:
Ig bi 26gi und uf dr letschte Züg vo mim Studium zur Hebamme. Mini Freizit verbringi mit Käffele, Brunche, Rennvelööle, Läse, im Summer ar Aare oder irgendwie kreativ. Mir isch wichtig, dass mir üs beidi i üsem deheime wohu füehle. Usserdäm hanis würk sehr gärn suber :)
Für di sötts kes Problem si o chli chönne Rücksicht z‘näh wenn ig ufgrund vo mim Schichtschaffe mau düre Tag schlafe. Ig fänds schön wenn mir nid nur ä Zwäcks-WG si u spontan zäme Aperööle, ä Fiumabe mache oder zur Gelateria di Berna loufe (öppe 3 Minute entfärnt!). Trotzdäm heimer beidi üses eigete Läbe, was o sött respektiert wärde.
Wiu mir ä nöii WG gründe hesch du aber o viu freii Hand üses Zämeläbe mitzgstaute u Sache wie Putze, Wlan etc. chöimer zäme entscheide und usefinde.
Schrib mir doch churz chli öppis über di und wieso, dass du z’Gfüeu hesch, dasses chönnt passe zum zäme wohne - i fröie mi di kennezlerne! :)
PS: Meh Föteli uf Ron Orp